Mayda “word war” ha butnga nira Senador Jinggoy Estrada ngan Bicol Saro representative ngan InfraCom Lead Chairman Terry Ridon kasumpay ha kontrobersyal nga resource person ha flood control corruption probe nga hi Engr. Brice Erickson Hernandez.
Hi Hernandez in anay assistant district engineer han DPWH-Bulacan, an nagbuyagyag ha House hearing ha daw “kickback scheme” nga gin kakadabihan han pira nga magbabalaod, kaupod hira Sen. Estrada ngan Sen. Joel Villanueva.
Subay ha iya, may “commitment” daw an senador nga kumarawat hin 30% tikang ha haros P1 bilyon nga kantidad han flood control projects.
Kumo baton, nagpagawas hi Estrada hin mga luma nga litrato nira Ridon ngan Hernandez tikang ha yearbook, nga baga-baga hin nagpapakita han koneksyon ha butnga han duha.
Gin sukna gihapon hine an kredibilidad hi Hernandez ngan gin ayat ine ha usa nga lide detector test.
Waray naman magpabantad hi Ridon, ngan maduon nga gindiwara an anuman nga koneksyon ha Hernandez.
Dugang pa hine, waray niya ine magin kaklase ngan dire ine niya nahinunumduman.
