Gintagan-duon ni House Trial Spox. ngan Lanao del Sur Rep. Zia Alonto Adiong nga dire dapat pabay-an nga maundang han mga politikal nga pansukna ngan sayop nga impormasyon an proseso han Saligang Batas para ha gaganapon nga impeachment trial ni Vice Pres. Sara Duterte.
Ginamin ni Adiong nga grabi an ginkakaatubang niya nga pansukna mahitungod ha iya pagsuporta ha impeachment partikular ha ha Mindanao, pero nagdig-on hiya nga responsibilidad niya nga sundon an Konstitusyon.
Gindepensaran gihapon ni Adiong an nagin pitad han Kamara ha pagpapa-iwas kan Duterte, ngan ginmalatumat nga basar ini ha mga ebidensya ngan testimonya han mga testigo kasumpay ha mga pagtalapas ngan an betrayal of public trust.
Samtang, nakatalaan naman an pre-trial conference han Senado para ha kaso nga impeachment han Bise ha maulpot nga Hunyo 18.
