TACLOBAN CITY — Natuhog ha puthaw nga gate han Tunga Central School an usa nga 13 anyos nga bata ha Barangay San Antonio, Tunga, Leyte.
An mao nga bata in usa nga Grade 7 studyante ngan residente han mao nga lugar.
Sumala kan P/Lt. Gaudencio Celmar, han Tunga Police Station, nga nagmumulay ha sakob han skwelahan an biktima kaupod an iya mga kasangakayan han magkalakbay an mga ini ha mao nga gate kun diin aksidente ini nga natalindas ngan natuhog an braso ha natais nga gate.
Dayon naman nga nagburublig an rescue team ha pag utod han puthaw kun diin natusok an bata ngan gindara ini ha ospital.
Nahibaruan nga waray klase han mao nga adlaw han matabo an insidente ngan an biktima ngan kasangkayan hini in nagpirit la pagsakob ha skwelahan para magmuruglay.
