TACLOBAN CITY – Na-araba an pira nga mga residente han Brgy. Camansihay han Tacloban kaparte han mga basura nga nagsasarang ha ligid hiton mga karsada ha nasabi nga barangay.
Sumala kan Engr. Leo Parado Head hiton City General Service Offices (CGSO) Tacloban City, nakarawat ngan nakit-an na ine nga reklamo kasumpay ha pagsarang han basura kun diin ginmanduhan naman dayun hine an supervisor nga kadtuon an mao nga lugar.
Subay han opisyal, may-ada na ine mga inisyal nga report dida ha Cabalawan may paghisumpay gihapon ha pagsasaarang hiton basura pero ine nga report in bag-o la utro nga nakarawat han mao nga buhatan.
Dayon naman ine nga ginpanawagan ha opisina han City Environement Office o-City-Enro. mahitungod nga hira mangud an otorisado nga buhatan nga naghahatag hin polisiya o guidelines may paghisumpay hine nga pagtaga-basura.
Ine nga pamaagi agud nga matagan hin giya an mga taga barangay ngan kun pati-unano papupugngan an pagkakamayada utro hin basura ha ligid hitun karasada ha mao nga barangay.
