NATIONAL–Mahuman nga nahulog ha deflation rate han Disyembre, utro nga bumalik ha positibo nga lebel an inflation ha Bangsamoro Autonomous Region in Muslim Mindanao (BARMM), nga nakahipatik hin 1.3% han Enero, 2026.
Basar ha panakaurihi nga datos han Philippine Statistics Authority (PSA) nga ginpagawas han ika 13 han Pebrero, nakabawi an presyo tikang ha -1.0% nga nahipatik han Disyembre, nga pangunahon nga durot han paghitaas han presyo kay an pagkaon,
Nagpapabilin gihapon ine nga mas habubo kumpara ha 1.7% han Enero 2025, nga indikasyon nga mayada la gihapon presyur ha cosumer spending ha rehiyon.
Ginbabanabana nga an 76% nga kabugusan nga paghitaas in natikang ha food ngan non-alcoholic beverages.
Nakit-an gihapon an paghitaas han presyo han isda, prutas, mantika ngan iba pa nga mga pagkaon.
Bisan nga mas habubo la gihapon an presyo han bugas kumpara han naglabay nga tuig, huminay na an paghabubo hine, sanglit nakakadugang ha paghitaas han inflation.
Ha lain nga bahin, nga mayada naman pira ka produkto nga humabubo ha presyo. Ada ha negatibop nga growth an karne, samtang humabubo gihapon an presyo han gatas ngan bunay. Padayon gihapon nga nahabubo an presyo han asukar ngan mais.
Gin-eksplikar han PA nga an moderate nga inflation in possible nga senyales hin maupay nga ekonomiya, basta nagpapabilin ine ha kontrolado nga lebel. uswal nga gintatawagan han mga policy maker nga ideal an 2 kutob 4 nga porsyento nga inflation band.
Kanit, hine, nahipatik naman an pinakahitaas nga inflation ah Basilan nga mayada 5.3%, nga ginsundan han Tawi-Tawi nga mayada 3.4% ngan Lanao del Sur nga 1.7%
Samtang an pinaka habubo naman in nahipatik ha Maguindanao nga 0.8%.
Samtang, ha Cotabato City, in humitaas an inflation rate ha 0.8% tikang ha -1.3% han Disyembre 2025.
