Dumamo an ihap han mga barko nga natabok ha Strait of Hormuz ugsa an ginlalauman nga naval blockade han US.
Dida han Martes manggud in utro ng iginpatuman ni US President Donald Trump an naval blockade ha ngatanan han Iranian ports ngan naghulga nga atatakehon an mga power plants ngan tulay kun dire mabalik ha negosasyon an Tehran.
Siyam ha 11 nga barko nga umagi ha Hormuz in nagbiyahe pinaagi han Iranian route, subay ha ship-tracking data ha Kpler.
Ha nasabi nga ihap, tulo nga waray sulod nga oil tanker—usa nga Aframax-sized vessel ngan duha nga Very Large Crude Carriers an sumulod ha strait.
Kaupod naman ha mga gumawas nga barko ha strait nga mayda Iranian exports in an usa nga VLCC nga mayda karga nga duha ka-milyon nga bariles hin krudo, medium-range tanker nga mayda refines products, ngan duha nga tankers nga nagsusulod hin liquefied petroleum gas.
Gumawas gihapon ha Gulf an usa nga laden methanol tanker ngan dry bulk carrier nga mayda iron ore.
Waray naman nakita nga sumulod o gumaas nga mga tanker nga mayda karga nga lana o gas tikang ha iba nga Gulf producer dida han Martes.
