BASAHA | Usa nga ospital ha Barcelona an nagdumara hin pioneering facial transplant kun diin an donor, ha syahan nga higayon ha bug-os nga kalibutan in nag-offer han iya nawong ugsa nga pagdumaraon an assisted dying procedure.
Subay ha Vall d’Hebron Hospital, an komplikado nga operasyon in kinahanglan hin transplant han composite tissue tikang ha butnga ngab parte han iya nawong.
Ginbubligan ine hiton haros 100 medical experts, kalakip na an mga psychiatrist ngan immunologist an nasabi nga operasyon.
Nabaruan naman nga an recipient, in nagpakilala ha ngaran nga alyas Carme, in nagkamayda hin facial tissue necrosis durot han bacterial infection tikang ha kagat han usa nga insekto, nga nakaapekto ha iya pagyakan, pagkaon ngan pangitaan.
Labot dinhe, kilala an Spain pag-abot ha organ transplants ha bug-os nga kalibutan kun diin hadton 2021, nagin ika-upat nga nasud ha European Union agud nga himuon nga legal an euthanasia o an pagpapadagmit ha kamatayon hiton usa nga indibidwal nga mayda grabi nga sakit.
Mababaruan nga katunga han facial transplant nga nadumara han Spain in ginhimo ha Vall d’Hebron staff, dinhe gihapon gindumara an full face transplant ha bug-os nga kalibutan han tuig 2010.
Waray naman igpaangbit han tagapagyakan kun diin nga ospital ngan eksakto nga operasyon para ha privacy han ira pasyente.
Mababaruan nga han nakalabay nga tuig sobra 6,300 organ transplants an nahimo hiton Spain.
