ODD NEWS: Gin dakop han nga kapulisan ha Italy an usa nga parag-arot mahuman nga madakpan nga gingagamit an iya barbershop kumo front ha iya negosyo nga ilegal nga droga.
Maiha na nga nakakarawat hin report an mga otoridad nga may drug dealing activity ha Foce district ha syudad han Genoa, pero waray hira dako nga lead kun diin mismo natatabo an mga ilegal nga aktibidad.
Mahitungod hini, naglunsar an mga personnel han Forte San Giuliano police station hin surveillance team ha magkaduru-dilain nga parte han Foce agud matudlok kun hain natatabo an pagbaligya han droga.
Pero usa ha mga surveillance team in nakakita ha usa nga barbershop nga permi gin kakadtuan hin mga customer nga kalbo ngan waray bungot.
Ha gin dumara nga imbestigasyon han mga otoridad, nasabtan nga kaurugan nga nakadto nga mga customers ha nasabi nga barbershop in nakadto la para pumalit hin ilegal nga droga.
Han mapamatudan nga drug dealer an 55 anyos nga parag-arot, dayon gin raid an balay hini ngan natadan nga may pira ka gramo hin legal nga droga didto ngan iba pa nga mga drug paraphernalia, hinungdan han kapriso han suspek.
