-- Advertisements --
TACLOBAN CITY – Arestado an usa nga Barangay Kagawad mahuman hini nga mapusil patay an usa nga parag-uma ha Boronggan, Eastern Samar.
Ginkilala an suspek nga hi Jaime Merkado, ada sakto nga pangidaron samtang an biktima naman in ginkilala kan Willie Lubina, 38 anyos an pangidaron ngan parehos mga residente han mao nga lugar.
Nahibaruan nga personal nga delito an nakikit-an nga anggulo han mga kapulisan ha pagpusil patay ha mao nga biktima.
Ha pagkayana, in paslak na an mao nga suspek ngan naatubang na ha kaso nga murder.
Labot la hini, in patay gihapon ha panmumusil ha mao nga lugar an usa nga biktima nga hi Ponciano Pedelino samtang waray pa matudlok an suspek.
