TACLOBAN CITY- Dumangop ha Bombo Radyo Tacloban an pira nga mga residente han Barangay San Miguel, Las Navas, Northern Samar agud igpasabot nga guintatamakan han mga militar an katungod han mga sibilyan ha mao nga lugar.
Sumala kan Baby Senovio nga diri natutuhay an session regular han mga opisyales ngan diri nakakapag-opisina an mga health workers ha mao nga barangay hall mahitungod nga guin uukuparan ini han pira nga kasundaluhan.
Dugang pa ni Senovio nga nakabutang ha ira barangay hall an magkadirudilain nga higamit han mga militar.
An kaparte han pamahayag ni Baby Senovio, residente han Barangay San Miguel, Las Navas, Northern Samar
Samtang, dayon naman nga bumaton ha Bombo News Team hi Brigadier General Mario Lacurom han 803rd Brigade nga nakabase ha Catarman, Northern Samar.
Sumala kan Lacurom nga magdudumara ini hin investigation ha mao nga alegasyon agud nga maaksyunan an nakarawat nga reklamo.
Samtang, guinpanindugan naman hini nga napakadto la ha usa nga lugar an mga kasundaluhan kun may ada ini mission nga guinbubuhat.
An naging kabatunan ni Brigadier General Mario Lacurom han 803rd Brigade nga nakabase ha Catarman, Northern Samar.
