NATIONAL – Humitaas hin 11% an outstanding loan han universal and commercial banks (U/KBs) ngan net of reverse repurchase (RRP) placement ha Bangko Sentral ng Pilipinas (BSP) dida han Setyembre hin 11.0 porsiyento.
An pagpapahitaas hine in mas madagmit kumpara ha 10.7% nga pag-ursa dida han Agosto. Ha usa nga seasonally adjusted nga basehan, an nasasalin nga mga pautang in humitaas hin 0.8%.
An mga nasasalin nga pautang ha resdiente, net han reverse repurchase, in nadugangan hin 11.3% dida han Setyembre tikang ha 10.9% dida han nakalabay nga bulan.
Samtang, an mga nasasalin nga pautang ha mga non-residents in umubos ha 0.3% dida han Setyembre mahuman nga humitaas hin 1.5% dida liwat han nakalabay nga bulan.
An mga pautang naman para ha mga aktibidad ha produksyon in umursa hin 9.8% dida han Setyembre tikang ha 9.4% dida han Agosto.
An nasabi nga pag-ursa in mas nakag-aghat han pagpapautang han bangko ha mga pangunahon nga industriya sugad han mga aktibidad ha real estate (14.2 porsiyento); wholesale and retail trade, pag-ayad han mga sarakyan (12.0 porsiyento); manufacturer (10.6 porsiyento); ngan kuryente, gas, steam ngan airconditioning supply (7.5 porsiyento).
