-- Advertisements --
INTERNATIONAL – Diri maubos ha 37 katawo an patay ha pagbanggaay han duha nga pampasahero nga bus ha may highway ha southern part han Bolivia, lakip na an walo nga menor de edad.
Samtang, ada naman ha 41 katawo an samaran ha insidente nga dayon gindara ha ospital agud matagan hin atensyon medikal.
Sumala ha usa nga prosecutor, gin-aalegar nga ada ha impluwensya han makahurubog nga irinmon an driver han usa nga bus, ngan malaksi an padalagan hinungdan han pag-overshoot hini ha kaluyo nga linya nga nagresulta han mao nga aksidente.
Subay ha report han kapulisan, ugsa paman matabo an aksidente dida han Sabado, mayda gihapon 64 katawo nga namatay ha usa pa nga road accident ha lugar han Potosi yana la nga tuig.
