NATIONAL–Naghaon hin balaudnon hi Leyte Rep. Martin Romualdez agud nga ibanan an ihap han mga namamatay ha cancer ha nasud pinaagi hin mga programa han timprano nga deteksyon.
Ha ilarom han House Bill 7492 o Cancer Risk Screening and Awareness Act, tumong ni Romualdez ngan Tingog Partylist Rep. Jude Acidre nga himuon nga institusyonal an libre nga screening ha mga barangay.
Syahan nga igpopokus han programa an breast, cervical, colorectal, ngan prostate cancer.
Gintagan hin duon ni Romualdez, basar ha datos han Philippine Statistics Authority (PSA), nga usa an cancer ha pangunahon nga rason hin pagkamatay ha Pilipinas mahitungod ha late diagnosis.
Sumala ha magbabalaod, an timprano nga pagtudlok ha sakit in dire la magtatalwas hin kinabuhi, kundi magpapahabubo gihapon ha gastos ha pagpapatambal nga agsob nagpapakuri ha mga pamilya.
Igpapakusog gihapon han balaudnon an papel han mga Barangay Health Workers (BHWs) pinaagi hin training ha cancer prevention ngan patient support.
Magtitindog gihapon hin usa nga nationwide cancer risk profiling system an Department of Health (DOH) upod an mga local nga pangobyernuhan agud nga mamonitor an mga kaso ha nasud.
Source, Courtesy | PHIVOLCS-DOST
