Ginaprubaran na han House Ways and Means Committee an balaudnon nga pahitaas-an ha P350,000 an presente nga P250,000 nga kantidad han kabug-usan nga sweldo ha usa ka-tuig nga dire papasakahan hin buwis.
Kaupod nga ginaprubaran an balaudnon agud ma-exempt an gugtiay nga negosyo o microenterprises tikang ha 2 percent nga Minimum Corporate Income Tax.
Nakabutang ini ha pira nga mga balaudnon kaupod an House Bill No. 10345 ngan 10346 nga ginsumite nira House Speaker Faustino “Bojie” Dy III ngan Majority Leader Ferdinand Alexander Marcos.
An mga nasabi nga balaudnon in kasunod ha ginduduso nga mga reporma ha pagbubuwis ni Pres. Ferdinand Marcos Jr. ha iya State of the Nation Address nga may panuyuan nga maibanan an mga pas-anon han mga mananarabaho ngan gugtiay nga negosyo.
