NATIONAL – Mahugot nga ginduduso han economic managers an balaudnon ha Kongreso kasumpay an kadugangna nga sweldo ha mga mananarabaho.
Base han position paper nga ginsumiter han mga economic managers han Marcos Administration, mayda mga negatibo nga epekto an ₱200 across-the-board minimum wage hike nga ginpasa han Kamara ngan an ₱100 nga umento han suhol nga iginduduso ha Senado.
Usa han mga ginkakabarak-an amo an paghitaas han inflation, labi na kay ginlalauman nga maghihitaas an gintatawag nga gastos ha produksyon, nga magreresulta ha paghitaas han presyo han mga papliton.
Nagtutuo liwat hira nga an pinakapobre nga mga Pilipino an maaapektaran tungod kay diri hira nakakakuha hin minimum wage.
An mga micro-small ngan medium enterprises, nga nagbubug-os hin 90 porsyento han mga negosyo ha nasud, in makukurian gihapon pagsunod.
Samtang, para ha mga trabahador, mas damo an mawawarayan hin trabaho tungod han kahadlok nga diri makaakos han mas hitaas nga panwelduhan.
