NATIONAL–target yana ha Senado nga igpadagmit an pagpasa han Senate Bill No. 1625 o an “West Philippine Sea (WPS) Education Act” nga nagtutumong nga himuon nga parte han kurikulum ha basic ngan higher education an pag-aaram ha mga teritoryo nga pandagat han nasud.
Nanawagan hi Senate Committee on Foreign Relations Chairman Erwin Tulfo ha iya mga kaupod nga mambaralaod ngga igpadagmit an pagpasa han balaodnon.
Ginmalatuamat hine nga damo la gihapon nga Pilipino an waray ensakto nga hibaro kasumpay ha West Philippine Sea ngan an iba pa nga teritoryo han nasud nga kinahanglan nga matagaan hin aksyon agud ga masigurado nga mga Pilpino in mayada ensakto nga impormasyon ha sitwasyon han WPS.
Nakailarom ha balaodnon, iguupod ha mga syllabi han basic ngan higher education an mga materyales ha pag-aaram ha ensakto nga edad han mga estudyante kun diin kalakip ha mga materyales nga ine an mga internationally recognized facts, mga desisyon han Korte Suprema, ngan kanit nga balaod kasumpay ha WPS.
Ha pamaagi naman han kolaborasyon han Department of Education (DepEd), Commission on Higher Education (CHED), National mapping and Resource Information Authority (NAMRIA), National Security Council (NSC), Department of Foreign Affairs (DFA), ngan iba pa nga kanit nga ahensya han gobyerno, in bubug-osan an mga materyales ngan pag-translate ngan kun magin balaod na in magigion mandato han DepEd nga magbuhat hin ensakto nga eksamin para ha mga magturutdo nga nakatalaga nga magtutudo hin WPS Education.
Samtang, ginaaghat gihapon han balaodnon an mga State Universities and Colleges (SUCs) nga dugangan an mga pag-research ngan pag-aaram kasumpay ha maritime security and governant, mga coastal communities, ngan iba pa nga importante nga hibaro kasumpay ha WPS.
