NATIONAL–Gin-aprubaran na an House Committee on Higher and Technical Education an House Bill No. 2778 o an Strudent Internship Allowance Act, nga maghahatag hin one-time nga P10-K nga allowance ha mga estudyante nga makakahuman han required internship, practicum, o on-the-job training OJT.
Sumala kan TINGOG Party List Rep. Jude Acidre, chair han komite, tumong han balaodnon nga buligan an mga estudyante ha garastoson sugad han pamasahe, pagkaon, ngan iba pa nga baraydan.
Sakop han benepisyo han mga estudyante tikang ha CHED-regocnized higher education institutions ngan TESDA-acredited technical-vocational schools.
Dire naman magpapatuman hin buhis o kaltas an allowance, ngan popondohan ini tikang ha presente nga budget han CHED ngan TESDA, nga iguupod gihapon ha General Appropriations Act ha mga masunod nga tuig.
An balaodnon, nga tikang kan Leyte Rep. Ferdinand Martin Romualdez ngan mga kaupod nga mambaralaod han TINGOG Party List, in naglalaom nga mauswag ha masunod nga parte an proseso han lehislatura.
Mahuman nga aprubaran ha committee level an nasabi nga balaodnon, igsasaka na ini ha plenaryo
