TACLOBAN CITY- Nagbilin hin usa nga samaran nga sundalo an nahitabo nga bakbakan ha butnga han tropa han gobyerno ala kontra ha New People’s Army ha Barangay Veloso, Marabut, Samar.
Samtang waray naman nahisabti kun pira an samaran ha nakaaway nga walhon nga grupo.
Basi ha guinpagawas nga spot report nga humagos hin 30 minutos an pagbalyuay hin buto han magkaluyo nga tropa kun diin dayon nga nagpahirayo an grupo han NPA ha tipabukid nga direksyon.
Samtang, nakuha naman han mga otoridad an usa nga nagpakilala nga miyembro han NPA nga hi Jojo Gerellana, 27 anyos an pangidaron, kasal ngan residente han Barangay Loog, Basey, Samar.
Kalakip han mga narecover han mga otoridad an usa nga pusil nga may magazine, magkasagaol-sagol nga bala, IED power source ngan 200 metros nga firing wire.
