NATIONAL–Huminay na an Bagyong Basyang ngan nagin usa nga Low Pressure Area (LPA) nala samtang padayon nga nagios pa-katundan ha Sulu Sea.
Urhi nga nasipatan an LPA ha kahirayo nga 105 ka kilometro timog-sinirangan han Cuyo, Palawan.
Waray na naka-isa nga wind signal ha ano man nga parte han nasud, pero ginlalaoman la gihapon an mga pag-uran ha pira nga lugar mahitungood ha nabibiling nga kadampogan hine.
Syahan hine, an Bagyong Basyang an nag-landfall ha Surigao del Sur ngan Northern Mindanao bago dumiretso ha Visayas ngan huminay.
Ha presente in nagios ine pa-katundan ha 25 ka kilometro akda oras.
Bagaman dire na ayat an makusong nga hangin, ginaabiso la gihapon an mga residente ha Palawan ngan hagrani nga mga lugar nga humirot ha possible nga pagbaha ngan landslide.
