TACLOBAN CITY– Ginkakalipay nga igpahibaro han Bureau of Jail Management & Penology Vlll, ha publiko nga magkakamayda hin bag-o nga building hito Tacloban City Jail, nga pagtutukuron ha metro Tacloban.
Sumala kan JSSUPT. Bernardo Sanchez, Regional Director, Bureau of Jail Management & Penology Vlll, mayda na pondo para ha paghingayad han nasabi nga pasilidad.
Dugang pa hine, subay ha ira proposed building mas dako ine nga pasilidad kumpara ha existing nga gingagamit hapagkayana.
Ginpasalamat gihapon hine, an lokal nga pangobyernohan hiton Tacloban, matungod nga nag-alutaga ine hin espasyo o lugar nga pwede pagtukuran han nasabi nga pasilidad.
Ginmalatumat hine, nga an pagtutukuron nga building in para ha Male Dormitory ngan Female Dormitory.
Mababaruan, nga usa ha mga rason kun kay-anu magtutukod hin bag-o nga pasilidad an BJMP, matungod nga iton mga existing nga presuhan ha Tacloban in daan na, ngan kinahanglan hin makabag-o nga pasilidad agud nga mabantayan adton mga preso ngan waray matabo nga mga pan-iskapo, ngan mga kriminalidad ha sulod han presuhan.