BAYBAY CITY – Gin abrihan na an bag-o nga pasilidad han Baybay City District Jail.
Sumala kan Baybay City District Jail Acting Jail Warden, SJO4 Richelieu Nuñez, han una in congested o naghuhuruot an mga Persons’ Deprived of Liberty (PDLs) ha sulod han selda, pero mahitungod ha bag-o nga pasilidad in nasolbar ini.
Dugang pa hini, an kahiluag la han ira daan nga pasilidad in ada la ha 166 sqm. ngan an ideal capacity la hini in 11 nga PDLs, pero nakada ha 39 nga PDLs an mayda hira sanglit naghuhuruot an mga ini.
Ha ira bag-o nga pasilidad in ada na ha 104 nga PDLs an akos ig sulod hini, kun diin tikang ha 267% han kamahuot han ira pasilidad, in nagin -63% ini bag-o nga pasilidad.
Samtang, nagin malinangpuson gihapon an pagbalhin han mga PDLs tikang ha daan nga pasilidad tikadto ha bag-o nga pasilidad dida han Pebrero 23.
