TACLOBAN CITY – Abre na para magserbisyo ha publiko an Youthplus Medical Center, iton pinakabag-o nga medical facility ha Sinirangan Bisayas.
Ini nga bag-o nga medical center mayda state- of- the-art nga diagnostic facility ngan magkarit nga mga espesyalista, doktor ngan nurses nga andam maghatag hin pinakaupay nga serbisyo medikal ha mabisita nga mga pasyente.
Sumala han tag iya hini nga hira Dr. Yohann Kae Panis-Luzano ngan iya asawa nga hi Rex Luzano, waray hira iba nga karuyag kundi maghatag hin primyado nga serbisyo ha tanan.
“Our goal is to cater to the primary medical needs of the whole family, including infants up to geriatics, and give them proper care and excellent customer service through assuring that our facilities, machines, lasers, and clinical diagnostics are 100% accurate and could provide superior results,” pahayag ni Dr. Yohann Kae Panis-Luzano ngan Rex Luzano, tag iya han Youthplus Medical Center.
Disyembre 8 kakulop han gin abrehan ini ha publiko.
Kaupod ha ribbon cutting ceremony hi Tacloban Mayor Alfred Romualdez, Leyte,Leyte Councilor Atty. Peter Panis ngan iya asawa nga hi Dettie Panis, ngan an business leader nga Fritz Salazar.
Ini nga medical center in namumutang ha 143 P Calzita Bldg., Zamora St. Tacloban City.
