ODD NEWS– Usa nga bag-o nga klase hiton kadaan nga sea monster ngan waray pa kakikilala hadton an nahikit-an han mga siyentipiko ha Canada, subay ha mga bukog hine nga syahan ine nga nahikit-an hadton 1988 ha Puntledge River sa Vancouver Island.
Subay ha panibag-o nga pag-aram an mga fossil in kalakip ha usa nga bag-o nga genus han plesiosaur nga gintatawag nga Traskasaura sandrae.
An T. sandrae in usa nga klase hiton elasmosaur nga mayda kakaiba nga pustura ha pisikal—halaba iton leeg nga may sobra 50 nag bukog, madig-on ngan matarom an ngipon nga akos marumok an mga shell han ammonite, ngan ginbabana-bana ine nga may kahilaba nga 39 feet.
Subay ha mga eksperto, an nasabi nga hayop in may kakaiba nga kombinasyon han primitive ngan advanced.
Nabaruan nga an fossils in kaparti han opisyal nga simbolo han British Columbia tikang pa han tuig 2002 ngan ginkilala kumo provincial fossil han 2023.
Makikit-an naman yana nga panahon an fossil ha Courtenay and District Museum and Palaeontology Centre ha British Columbia.
