RAJSHAHI, BANGLADESH – Nakaghipatik na gihapon hin usa nga kumpirmado nga kaso han Nipah virus infection ha Rajshahi Division, Bangladesh.
Sumala ha International Health Regulations National Focal Point, an pasyente in nakaabat hin haranat dida han Enero ngan nakumpirma an impeksyon ha pamamaagi han laboratory test makalabay an pira ka-adlaw.
Basar ha imbestigasyon, waray ini travel history pero kmaon ini hin hilaw nga duga han date palm, nga kadaras-an ginti-tikangan han impeskyon.
Sumala ha Ministry of Health and Family Welfare han Bangladesh, 35 ka-tawo an nakasalamuha han pasyente in mahugot nga ginmo-monitor ngan tanan in nagnegatibo ha Nipah virus.
Kilala an Bangladesh nga nagkakamayda hin gudti nga outbreak han Nipah virus, kadaras-an kada Disyembre kutob Abril, kaupod han panahon han pan-harvest ngan pagkonsumo han date palm sap.
Nagpatuman na hin mga pitad panlawas an gobyerno agud malikayan an pagsarang han sakit, kaupod an mahugot nga surveillance ngan paghahatag hin impormasyon ha publiko.
