INTERNATIONAL NEWS– Usa nga baby ngan duha nga 11-anyos an na rescue hin talwas han mga international rescue team ha mga lumaprak nga building ha Venezuela pira ka-adlaw mahuman nga umigo an duha nga dagko nga linog.
Ha video nga ginpaangbit han US State Department makikita an pag rescue ha baby nga himala nga nabuhi.
Samtang an 11 anyos nga bata nga lalaki naman nga naitalwas han rescue team, tikang ha Colombia mahuman ine nga matad-an ha ilarom han lumaprak nga debris.
Nag-angkon ine hin bari ha braso ngan dayon nga gindara ha ospital, samtang waray naman makatalwas an iya nanay ngan bugto ha kalamidad.
Usa pa nga 11 -anyos nga bata an na rescue tikang ha Mexico ha Caraballeda.
Sumala kan Interim President Delcy Rodriguez, ada ha 1,430 na an kompirmado nga namatay samtang 3,000 naman an samaran an nasabi nga datos in temporaryo pala, samtang nagpapabilin naman an mga apektado nga residente ha mga evacuation center.
Nag-alutaga na gihapon an European Union hin sobra €5 million kumo emergency aid, samtang ginlalauman naman nga mag-aanunsyo an Estados Unidos hin kadugangan nga bulig ha mga apektado nga komunidad.
