ODD NEWS– Usa nga baboy ha Illinois an opisyal nga ginkilala han Guinness World Records mahuman ine nga magpakita hin kakaiba nga kakarit ha skateboarding.
An baboy in gin-ngaranan nga hi Norbert, tikang ha Buffalo Grove, nga nakagtala hin record para ha “fastest 10 meters pushing a skateboard by a pig”.
Nahimo ni Norbert an 10-meter distance ha sulod la han 11.32 seconds.
Subay ha tag-iya ni Norbert, nga hi Vincent Baran, aksidente nahibaruan niya an talento han iya alaga han probaran hine nga pasakyon an iya alaga ha skateboard ha sulod han 15 minutos.
Dugang pa niya, nahuman an pira nga sesyon han ensayo ngan nahibaro hi Norbert nga igduso an iya kalugaringon samtang nakatamak ha skateboard .
Ha pagkayana ada ha 175-pound na hi Norbert ngan natural nala nga nasakay ine ha board.
Matungod han kakarit hine, ginbansagan hi Norbert nga “Tony Pork,” kumo paghahatag hin respito ha legendary skateboarder nga hi Tony Hawk.
