TACLOBAN CITY – Patay an usa nga babaye mahuman nga malumos ine ha panguha hin sisi ha may Brgy. Naungan Ormoc City.
Ginkilala an biktima kan Gelian Ybañez, 19 anyos an pangidaron ngan residente Maigang Ormoc City.
Sumala kan PCapt. Petronio Piangco III station Commander han Police Station 4 han Ormoc City, nangunguha daw hin sisi an biktima kaupod an tiya hine ha may Eco Park han Brgy. Naungan.
Pira daw ha minutos han manguha an biktima hin sisi in waray na daw makabalik pag ulwa ngan dinhe nalisang an iya tiya kun diin nag report ine nga missing an biktima.
Gin respondihan naman han otoridad an biktima kun diin natad-an an patay nga lawas hine ha may fish cage na nga dapit tungod nga naanod an lawas hine.
Mahihibabaruan nga damo hin klase nga panti-on ngan sisi an mao nga lugar sanglit damo itun nangunguha hine nga mga indibidwal.
