Usa nga babaye ha New York an nakabiling hin usa nga 2.3-carat white diamond ha Crater of Diamonds State Park ha Arkansas.
An iya nadiskubrehan in mas nagin espesyal mahitungod nga ine mismo an gagamiton niya para ha iya engagement ring.
Sumala kan Micherre Fox, duha katuig na niya nga napagdesisyon nga hiya mismo an magbibiling han iya kalugaringon nga diamond para ha iya engagement ring. Para ha iya, ine in usa nga simbolismo han paningkamot.
Ginmalatumat ni Fox nga sinuportahan hiya han iya partner ha iya desisyon nga tumugot nga maghulat hasta nga makit-an niya an sakto nga bato.
Nagplano hi Fox hin usa nga tulo kasemana nga biyahe ha parke, nga nagtikang dida han Hulyo 8.
Adlaw-adlaw hiya nga namiling, ngan ha iya katapusan nga adlaw dida han Hulyo 29, didto niya nabilngan an nasabi nga bato.
Gindara niya ine ha Diamond Discovery Center, kun diin ginkumpirma han mga staff nga usa ine nga 2.3-carat white diamond.
Gin ngaranan naman ine niya hin “Fox-Ballou Diamond”, nga gintimpo nga apelyido niya ngan han iya partner.
