STA. FE, LEYTE – Waray na kinabuhi han makit-an ha iya kalugaringon nga panimalay an usa nga babaye ha Brgy. Gapas Zone 3 Sta. Fe Leyte, kakulop nga adlaw, Agosto 8.
Ginkilala an biktima kan Herminia, 63-anyos an pangidaron.
Sumala kan Sta. Fe Municipal Police Station Officer in Charge, PLt. Glenn Chavaro, usa nga konsehal han nasabi nga barangay an nagreport ha ira buhatan kasumpay han insidente kun diin ginsumatan la liwat an konsehal han amyaw han biktima.
Subay han imbestigasyon, napalit unta ha tindahan han biktima an amyaw hine nga hi alyas Fe, pero waray daw may nabaton sanglit iya gin hiling an biktima ha sulod han tindahan hine, ngan didto in nahikit-an hine an biktima nga nahigda ngan mayda samad ha ulo.
Dayun naman nga ginrespondehan han mga otoridad an insidente kaupod an SOCO, kun diin durante han panginano in nadiskubrehan nga mayda mga seryoso nga mga injury ha tu-o nga parte han ulo han biktima ngan mga tinusukan ha may tiyan hine pero waray dugo.
Gin aalegar naman nga gin balbag hin matig-a nga butang an biktima rason han kamatayon hine.
Ha pagkayana in mayda na mga persons of interest an kapulisan pero padayon pa ine nga ginkukumpirma han mga imbestigador.
