TACLOBAN CITY — Nakaghipatik hin syahan nga patay matungod ha COVID-19 an bungto han Babatngon, Leyte.
Sumala kan Mayor Maria Fe Rondina, nga an mao nga pasyente in taga Barangay Pagsulhugon ngan nagtrabaho ha Tacloban.
Nagtikang paglain an pamati han mao nga pasyente dida han umuli ini tikang ha Tacloban ngan ini in nadiagnose nga may problema ha kidney, pira ka adlaw an nagkalabay in tigda liwat ini nga nakaabat hin pagkuri ha pag ginhawa ngan dayon ini nga ginrefer ha EVRMC kun diin didto na naawatan hin kinabuhi.
Dayon naman ini nga ginkuhaan hin sample para han RT-PCR test kun diin didto nakompirma nga ini in positibo ha mao nga virus.
Dugang pa han mao nga alkalde nga nagkukurian naman hira yana pagdumara hin contact tracing matungod nga pira ka adlaw ugsa mamatay an mao nga pasyente in nagseleblar pa ini han iya birthday party.
Nanawagan naman ini ha tanan nga mga mulopyo han Babatngon nga diri magpanic lugod in magpabilin nga ikmat ngan magsunod ha mga health protocols.
