Umubos hin gutiay an average farmgate price han humay ha nasud dida han Setyembre kumpara hadton bulan han Agosto, subay ha Philippine Statistics Authority (PSA).
Subay ha datos han PSA, umabot la ha P20.84 kada kilo an averaga farmgate price han humay dida han nakalabay nga bulan. Ini in mas gutiay kumpara ha P22.16 kada kilo hadton Agosto.
Ha kaluyo hini, ginpahayag han ahensya nga nagpapabilin nga posibito an year-on-year growth ha average farmgate price han humay ha nasud dida han Setyembre.
Nagawas manggud ha rekord han ahensya nga mas hitaas la gihapon an farmgate price han humay dida han Setyembre 2026 hin 33.6% kumpara hadton Setyembre 2025.
Ha nasabi nga tuig in umabot la ha P15.60 kada kilo an farmgate price o P5.24 nga mas hamubo kumpara yana nga tuig.
Ha kaluyo nga bahin, an Central Visayas an nakaghipatik hin pinakahitaas nga farmgate price ha bug-os nga Pilipinas ha nakalabay nga bulan. Umabot ini hin P24.60 kada kilo.
Pinakahamubo naman an presyuhan ha MIMAROPA nga umabot la ha P18.85 kada kilo.
