TACLOBAN CITY– Ginkalipay han Northern Samar Provincial Tourism Office, an utro nga pagbisita han Autralian Cruise Ship ha nasabi nga probinsya.
Sumala kan Northern Samar, Provincial Tourism Officer, Ma. Josette Doctor, ine na an ika-duha nga pagbisita han nasabi nga cruise ship ha mao nga lugar.
Dugang pa ni Doctor, pira ha mga ginbisita han mga ine an Biri Island, matungod han rock formation ngan Lalaguna Mangrove Eco-Park, nga an komunidad iton nag-aataman ha pagmintenar han mao nga eco-park.
Ginpaangbit ni Doctor, nga an nasabi nga mga bisita in karuyag nga mag-explore han mga lugar nga dire gud darayuhon hiton kadam-an, matungod nga panuyo han ira exploration in mahibaruan an yano nga panginabuhi, ngan kultura han komunidad.
Ginlalauman naman nga maabot ha 100-160 nga indibidwal an nalusad tikang ha cruise ship.
Ginmalatumat naman ni Doctor, nga dire la an Autralian Cruise Ship an syahan nga binmisita ha ira lugar, matungod nga han 2015 in nagkamayda gihapon hira in mga bisita nga langyawanon.
Mababaruan nga nagin maupay an empresyon ha mga langyawanon han nakalabay nga tuig han bumisita an mga ine ha nasabi nga lugar, sanglit yana in binmalik an mga ine agud nga utro ma-eksperyesnya pa han kakaiba nga adventure ha Northern Samar.
