-- Advertisements --
INTERNATIONAL NEWS– Nagpagawas an Australian government hin travel advisory agud nga pahimatngunan an publiko han nasabi nga nasud nga maghirot ha pagbiyahe pakanhi ha Pilipinas, partikular na kun mapakadto an mga ine ha Mindanao.
Ine in matungod na gihapon ha daw ‘security risks’ ha nasabi nga rehiyon, sugad han mga hulga hiton terorismo ngan mga serye hiton kreminalidad.
Nasusubay gihapon ha nasabi nga abiso, nagin grabi an hulga han mga demonstrasyon ngan civil unrest matungod ha pira nga mga serye han panhitabo.
Matungod dinhe, ginpahinumduman hiton gobyerno han Australia an ira mga residente nga likayan nga pumakanhi o makiparti ha mga protesta, tungod nga posible ine nga magresulta hiton bayolente nga panhitabo.
