NATIONAL–Aminado an abogado nga hi Atty. Levi Baligod nga “error” o nagsayop la hiya nga ginupod niya ha listahan han mga magbabalaod nga ginaalegar nga nakakarawat hin dako nga bulo hin kwarta hi Mamamayang Liberal Partylist Rep. Leila de Lima.
Depensa han abogado ha usa nga pakipaghimangraw, ginmamalatumat kasi hadto han mga retirado nga sundalo nga nakakaupod an anay senador ha mga meeting kanit ha International Criminal Court (ICC).
Pahayag hine nga posible nga ine an nagduso, sanglit, ginbutang nala niya hiya ha mga myembro han Congress nga ginaalegar nga nakakarawat hin kwarta.
Aminado an abogado nga pwede ine tawagan kumo iya pagsasayop.
Kun babalikon in ginhalal la hi De Lima ha 2025 midterm elections sanglit bumalik hiya kumo magbabalaod ilarom han 20th Congress.
Ginklaro gihapon han abogado nga dire male-maleta nga kwarta an ginhatag kan de Lima, kundi paper bag la nga possible nga ginaalegar nga mayada laman nga P5-M kutob P10-M.
