-- Advertisements --
NATIONAL NEWS– Ginkarawat han negosyante nga hi Atong Ang an pormal nga paghahaon hin kaso kontra ha iya kasumpay ha pagkakadabi hine ha kaso missing sabungeros.
Ine in kasunod han pagsasalawad han mga pamilya han missing sabungeros hin multiple counts of murder ngan serious illegal detention charges kontra kan Ang ngan ha pira pa hine nga kaurupdan.
Ginpagawas pinaagi han iya abogado nga hi Atty. Gabriel Villareal, ginmalatumat ni Ang nga andam hiya nga bumaton ha mga alegasyon nga ginbabatak ha iya nga nasusubay ha legal forum.
Nanindugan gihapon hi Ang nga inosent hiya ngan nagpahimatngon kontra ha testimonya han self-proclaimed whistleblower nga hi Julie Patidongan alyas Totoy nga ine in depektibo, ngan waray basaranan nga ibedensya.
