TACLOBAN CITY – Nagin malinampuson ngan mahimyang an kabug-usan nga assessment han kapulisan ha kahuhuman la nga Semana Santa 2026.
Sumala kan Abucay Police Station 2 Station Commander, PMaj. Shenna Layog, nagin hapsay an kabug-usan nga pagbabantay han ira han-ay ha kahuhuman la ng paghinumdom han Semana Santa.
Dugang pa hini, waray gihapon may nahipatik nga mga dire ginlalauman nga insidente, rason gihapon han malinampuson nga pagbabantay han bug-os nga semana han pamalandong.
Nagpasalamat naman ini ha iba pa nga bumulig ha pagmangno han mga lugar nga ginbibisita han mga tumutuos, sugadman ha mga bukid-arampuan nga ginsasaka han mga deboto.
Samtang, naghuman naman kakulop nga adlaw, Abril 5 an pagbabantay han mga otoridad ha natudlok nga mga lugar.
