TACLOBAN CITY — Napuputos hin kabaraka an mga residente han Eastern Samar partikular na ha Dolores mahitungod han nagkakagawas nga impormasyon nga may mga miyembro han Abu Sayyaf Group (AFG) nga presente nga guinkakarga daw han mga Muslim community ha natura nga lugar.
Ha pakipaghimangraw han Bombo Radyo Tacloban kan 1st Lt. Cherry Junia, spokesperson han 8th Infantry Brigade Division, nga guinbeberipika pa nira an nagsasarang nga impormasyon mahitungod nga diri pa klaro kun tinuod ba ini o usa la nga panhadlok ha mga mga residente.
Guin aghat guihapon han 8th Infantry Division an mga residente han Dolores nga kun inkaso tinuod an mao nga impormasyon in diri na magruha-duha nga makipagsumpayan nga dumangop ha pinakaharani nga police station o ha 14th Infantry Battallion han Philippine Army.
Mahugot naman an pagbantay han mga tropa han 8th Infantry Division ha mga posible nga maging entry points han mga Abu Sayyaf nga tikang ha Bohol.
