Pormal nga ginpadig-on han mga lider han militar ha Southeast Asia an usa nga bag-o nga plano pala ha kooperasyon nga pandepensa agud pakusgon an kolektibo nga seguridad ha rehiyon ha butnga han mga nagkakalutaw nga hulga.
Ini an nagin resulta mahuman malinangpuson nga pangunahan han Armed Forces of the Philippines (AFP) an 23rd ASEAN Chiefs of Defence Forces Meeting (ACDFM) nga gindumara dida han Mayo 21 ha Conrad Hotel ha Pasay City.
Ha nasabi nga katitirok, opisyal nga gin aprubahan han mga kaalyado nga nasud han Association of Southeast Asian Nations (ASEAN) an ASEAN Militaries Two-Year Activity Work Plan 2026–2028 ngan an 23rd ACDFM Joint Statement.
Sumala kan AFP Chief of Staff Gen. Romeo Brawner, an pagpapadig-on ha nasabi nga mga kasabutan in panuyo nga pahilarumon pa an koneksyon ha depensa, mapahusay an interoperability o an kapas han mga hukbo nga magsanib-pwersa, ngan mapabilin an kadig-on ha rehiyon.
Ha ilarom han tema nga “Securing Our Future, Together,” nakasulod ha bag-o nga plano an pagpapahaluag han mga magkaurusa nga paghag-id han militar (joint training exercises), mas maupay nga koordinasyon, ngan mga inisyatiba ha humanitarian assistance and disaster response (HADR) o pagbaton ha kalamidad.
Gintagan-duon ni Brawer, nga an kalangpusan han pagharampang in utro nga nagpapamatuod ha prinsipyo han ASEAN Centrality ngan nagpapakita han importansya han kolektibo nga paggios ha pagpapabilin han kahimyang ha Southeast Asia.
Igindugang pa ni Brawner nga an pagkakaurusa han mga nasud in kinahanglan nga igbalhin ha mga praktikal nga kooperasyon ha mismo operasyon agud mabaton an mga magkakaparehas nga ayat nga rehiyon.
