TACLOBAN CITY- Guintalaan han Regional Trial Court Branch 14 han Baybay, Leyte an arraignment ni anay CIDG 8 Regional Head Supt. Marvin W. Marcos ngan han grupo hini ha tiarabot nga April 26, 2017 nga naatubang hin double murder charges nga guinpasaka han Department of Justice (DOJ) may kalabutan ha pagpatay kan anay Albuera, Leyte Mayor Rolando Espinosa Sr. ngan inmate nga hi Raul Yap ha sulod han Leyte Sub-Provincial Jail dida han nakalabay nga Nobyembre 5, 2016.
Guintugutan ni Regional Trial Court Judge Carlos O. Arguelles hi Supt. Marcos ngan an mga igkasi akusado hini nga magfile han ira supplemental ngan amended motions nga ig-defer la anay an proceedings han double murder charges nga ginpasaka ha ira han government prosecutors.
Lakip ha mga guin akusaran hira Superintendent Marvin Marcos; Superintendent Noel Matira; Chief Inspector Leo Laraga; Senior Inspectors Deogracia Diaz ngan Fritz Blanco; Senior Police Officers Melvin Cayobit, Eric Constantino, Benjamin Dacallos, Juanito Duarte ngan Alphinor Serrano Jr.; police officers Johnny Ibanez, Norman Abellanosa, Niel Centino, Bernard Orpilla, Lloyd Ortiguesa, Jerlan Cabiyaan, Cristal Gisma ngan Divine Grace Songalia.
Naatubang guihapon ha pareho nga kaso hira PNP Regional Maritime Unit 8 personnel Chief Inspector Calixto Canillas Jr., Inspector Lucresito Candelosas, police officers Antonio Docil, Mark Cadilo, John Ruel Daculan ngan Jaime Bacsal.
