NATIONAL NEWS– Naugsod ha ikatulo nga dibisyon han Sandiganbayan an nakatalaan nga arraignment o pagbasa han kaso kontra kan anay Sen. Bong Revilla ngan pira nga mga igkasi-akusado ha kaso nga malversation.
An nasabi nga arraignment in iginbalhin ha Pebrero 9, 2026.
Nabaruan nga an kaso in kasumpay ha daw partisipasyon ni Revilla ha mga infrastructure projects nga gin-alutagahan hin milyon-milyon nga kantidad pero waray ine matrabaho.
Samtang, nakatalaan naman yana nga kulop an arraignment para ha graft charges nga labot la ha ginkaka-atubang han anay manbaralaod.
Manunumduman nga hi Revilla in anay na nga umatubang ha kaparehos nga kaso ngan nakagawas hadton 2018 mahuman nga maabsuwelto ha kaso nga plunder, pero nagpapabilin nga nakabinbin an mga kaso nga kaso nga graft ngan malversation.
Subay ha mga legal observers, an utro nga pag-atubang ni Revilla ha korte in kaparte han haluag nga kampanya kontra korapsyon.
Ha pagkayana, gin-iimbestigaran gihapon han Ombudsman an pira nga anay manbaralaod nga dabi ha flood control scandal, kalakip na an ma kaso nga iginpasaka ha iba pa na mga manbaralaod ngan tinaglawas han DPWH.
