-- Advertisements --
NATIONAL NEWS– Ginpahinumduman han hepe han Armed Forces of the Philippines (AFP) an mga tropa han 2nd Infantry Division (2ID) hiton Philippine Army ha Rizal nga magin andam ha pag-secure ha Metro Manila, an magsisirbi nga “seat of government”.
Ginhimo ni AFP chief of staff General Romeo Brawner Jr. an pahayag kadungan han pagsalinurog han ika-49 nga anibersaryo han 2ID ha Camp General Mateo Capinpin ha Tanay, Rizal.
Ginmalatumat ni AFP chief nga naglalaom an Sandatahang Lakas ha 2ID nga susuportahan an pwesto han gobyerno ngan igpapabilin an seguridad han nasud.
Gin-esplikar pa ni Gen. Brawner nga an 2ID in harani ha Metro Manila. Usa ine nga infantry divisions nga marisponde ha hulga han destabilisasyon.
