TACLOBAN CITY – Gin tikangan na an mga pangandaman nga ginbubuhat ha Archdiocesan Shrine of Sto. Niño Tacloban para han magigin pagtikang han Novena yana nga adlaw.
Sumala kan Rev. Msgr. Erlito Maraya, Parish Priest Moderator hiton Archdiocesan Shrine of Sto. Niño Tacloban, syahan nira nga gin aandam iton simbahan ngan an sound system mahitungod nga mayda gutiay nga problema an usa nga amplifier nga ira gingagamit.
Manunumduman nga dida han nakalabay nga Biyernes in gindumara an Pre-Balyuan Rites ha Basey, Samar kun diin ginbilin ha nasabi nga lugar an replica han imahen han El Kapitan ngan gindara naman an imahen han santos han Buscada ha Basey.
Yana naman nga adlaw adlaw in pagbubuhaton han mga delegation han duha nga simbahan an balyuay han mga imahen ha Balyuan Amphitheater para naman pagbuhaton an Balyuan Rites.
Samtang, maabot naman ha 1,000 katawo an ginlalauman nga makakalingkod na ha sulod han simbahan mahitungod nga ayad na iton left and right wing han simbahan.
