TACLOBAN CITY – Dako nga bulig ha mga estudyante partikular na an mga mayda learning gaps an Academic Recovery and Accessible Learning o ARAL Program agud nga makalanat an mga ini ha klase.
Sumala kan DepEd Regional Office VIII, Information Officer, Jasmin Francisco Calzita nga panuyuan gihapon hini in agud solusyonan an gaps nga naidurot dida han pandemic.
An ARAL Law mangud in kaupod ha priority measures nga gintudlok han Legislative-Executive Development Advisory Council nga may panuyuan nga bumug-os hin national learning intervention program nga naka desinyo agud buligan an mga nakukurian nga mga estudyante nga makalanat ha required standards basar ha ira grade levels.
Ginpangunahan an mao nga programa han Department of Education pinaagi han pagburublig han mga magturutdo, pre-service teacher ngan magin an mga estudyante nga naka enroll ha teacher degree program han Teacher Education Institutions nga kun diin, maghahatag an mga ini hin mga tutorial sessions ha mga estudyante.
Dugang pa ni Calzita nga naka pokus an mao nga programa agud mapaupay an competencies han mga estudyante partikular na ha essential learning areas hini sugad hiton reading ngan mathematics para ha Grade 1 to 10 ngan ha Science para ha Grade 3 to 10.
Para liwat ha kindergarten naka tutok an ARAL Program ha ira literacy ngan numerical competencies.
Samtang ginmalatumat naman ni Calzita nga agud masigurado an pagigin epektibo ngan accessibility hini nga tutorial session in pagbubuhaton naman ini ha tulo nga flexible delivery modes, kun diin puydi pumili an mga estudyante hin face-to-face tutorials, online tutorials ngan sugad man blended approach.
