NATIONAL NEWS– Ginbalabgan ni Senador Bam Aquino an nagin pahayag ni Senador Risa Hontiveros nga i-ban an online games nga dire nakikipag koordinar ha imbestigasyon kanit ha nahitabo ha San Jose National High School Tacloban City.
Ginkakadabihan ine han duha nga menor de edad, nga nagduso han Senado nga magkamayda hin madagmit nga imbestigasyon.
Ginpahayag ni Aquino, Committee Chairman ng Basic Education, imbes nga i-ban an online games in mas maupay nga tagan hin pukos an mga pitad ha ilarom hiton “School Safety Act.”
Manunumduman, nga gin-imbitaran ni Hontiveros, Committee Chairman on Women, Children, Family Relations, and Gender Equality, an developer han German-based online game nga GoreBox agud nga umatubang ha paghihimuon nga Senate hearing buwas nga adlaw July 1 pero bumaribad ine nga umatinder.
Pero ginsigurado naman han game debveloper nga magpapagawas hira hin opisyal nga baton ngan andam an mga ine nga makipag koordinar ha imbestigasyon.
Kanit hine, Sumala kan DSWD Sec. Rex Gatchalian, natudlok han mga social worker nga may discernment o maaram hiya ha iya ginbubuhat an 15-anyos nga suspek ha panmusil ha usa nga eskuylahan ha Tacloban City nga iginkamatay han tulo nga estudyante.
An nasabi nga assessment in igsusumite ha korte, nga amo an magdedesisyon kun kakarawton ini kumo basaran ha kaso. Ginhuhulat gihapon han DSWD an resulta han psychological assessment ha 15-anyos ngan 14-anyos nga suspek agud makabug-os hin insakto nga intervention program.
Nauna na nga nagsumite hin kaso nga kriminal an mga otoridad kontra ha 15-anyos nga suspek, samtang exempted naman ha criminal liability an 14-anyos ha ilarum han Juvenile Justice and Welfare Act. Parehas hira presente nga aada ha Regional Rehabilitation Center for Youth.
Kaupod hini, ginmalatumat ni Gatchalian nga andam an DSWD nga makiparte ha paghisgot ha balaudnon igpahamubo an edad han criminal liability.
