TACLOBAN CITY– Gintikangan na han Commission on Election (COMELEC) an pangarawat han aplikasyon para han gun ban exemption dida han Hunyo 5.
Sumala kan Atty. Jose Nick Mendros, Regional Director hiton Commission on Election (COMELEC) Regional Office 8, nagpagawas an COMELEC hin usa nga Resolution No.10924 kun diin nakasurat ha nasabi nga resolusyon an mga aludayday kaparte han tiarabot nga Barangay and Sangguniang Kabataan Election 2023.
An aplikasyon naman han daw gun ban exemption in kaparte han pag avail hin mga security personnel han pira nga mga kwalipikado nga public officials.
Ginklaro gihapon hine nga an ira gin iimplementar nga gun ban in amo an pagdara-dara hin pusil ha gawas han residence, pagtransport hin pusil ngan iba pa nga klase hin pusil ngan mga parte hine durante han election period, ngan paggamit han security personnel hin dire otorisado.
Pag abot naman daw han election period in ngatanan nga permit to carry nga firearms, ngan ngatanan nga Letter Order in ginsususpender hiton COMELEC, karuyag sidngon an ngatanan nga pribado nga indibidwal in waray katungod nga magdara-dara hin pusil labot nala kun otorisado hiton Committee on Firearms and Security Personnel hiton COMELEC.
An mga law enforcement agencies naman daw in exempted ha ilarom hiton resolusyon pero kinahanglan an mga ine nga nakasul-ot han ira uniporme, kumo naman security personnel han pira nga mga public officials in kinahanglan han mga ine mag apply han application for gun ban expemtion mahitungod igpapatuman na an gun ban pag abot hiton Agosto 28.
