Igin endorso na han Senate Committee on Justice and Human Rights ha plenaryo an mga balaodnon nga maghahatag hin Philippine citizenship kanda Bennie Boatwright ngan Matthew Ramos.
Gin hingadayan ha komite an mga balaod tikang ha Kamara ngan Senado nga may panuyuan kilal-on an kontribusyon ni Boatwright ha basketball ngan ni Ramos ha wrestling, ilabi na ha ira karuyag nga ig representar an Pilipinas ha international competitions.
Sumala ha mga mambaralaod, makakabulig an duha agud mas pakurukusgon an national teams han nasud sugad man magseserbi ini nga inspirasyon ha mga atleta nga Pilipino.
Hi Boatwright, in usa nga 6-foot-10 forward tikang Los Angeles, nga nagmulay ha iba-iba nga international leagues ngan ha Philippine Basketball Association (PBA), kundiin, bumulig ini ha San Miguel Beermen nga makakuha hin kampeonato.
Samtang, hi Ramos, in usa nga half-filipino accomplished wrestler nga nagin world champion ha cadet level nga gin kilala ha NCAA All-American samtang nagmumulay para ha Purdue University.
Pananglitan ma aprobaran ha Senado, dayon na nga kikilal-on hi Boatwright ngan Ramos kumo mamayang Pilipino nga magigin dalan agud makagmulay an mga ini para ha Pilipinas ha international stage.
