Ginlalauman nga masentro ha presente nga global economic challenges an magigin pangunahon nga punto han Asia-Pacific Economic Cooperation (APEC) Leader’s Meeting ha Oktubre.
Magkikita-kita gihapon dinhi an mga lider han 21 nga membro han APEC ha South Korea.
An katitirok in importante samtang padayon nga naatubang an rehiyon ha mga ayat ha kalakalan, digital nga pagbabag-o, ngan polisiya.
Ginlalauman an mga bilateral sidelight meetings, kaupod an pagkikita nira US President Donald Trump ngan Chinese President Xi Jinping.
Sumala kan Eduardo Pedrosa han APEC Secretariat, pamatuod ine ha importansya han APEC kumo plataporma han dayalogo ngan kooperasyon.
Pagbubuhaton an pagharampang ha ilarom han tema nga “Building a Sustainable Tomorrow: Connect, Innovate, Prosper.”
Mauuna hine an mga pagharampang han mga ministro ngan senior officials tikang Oktubre 27 kutob Nobyembre 1 ha Gyeongju.
Target naman han mga lider nga igduso an APEC Putrajaya Vision 2040 ngan Aotearoa Plan of Action para ha mas inklusibo ngan madig-on nga pag-ursa.
