-- Advertisements --
Nagresulta ha delekado nga kasamok ngan engkwentro ha butnga han mga raliyista ngan kapulisan an halawig nga anti-G7 protest ha Geneva , Switzerland dida han Hunyo 14, bisperas han opisyal nga pagtitikang han G7 Summit.
Umabot ha 20,000 katawo an umapi ha martsa nga ginorganisa han koalisyon nga “No-G7”. May sobra nga 600 ka-miyembro han radical “Black Bloc” an sumalakot ha mahimyang unta nga rally ngan nagtikang han kasamok.
Lumarab an gios-protesta ha usa nga parke ha kaharani han Lake Geneva ugsa grumabe an sitwasyon ha sentro han syudad.
Nagdurot hin kasamok an bayolente nga protesta kun diin usa nga mamahalon nga sarakyan an ginsunog ha atubangan han central bus stop.
