NATIONAL – Umabot na ha nasud Netherlands hi anay Presidente Rodrigo Duterte kagab-i han alas-11:54, oras ha Pilipinas. ha Rotterdam The Hague airport.
Dayun naman ine nga gindara ha The Hague Penitentiary Institution (Penitentiaire Inrichting Haaglanden).
Ha usa nga video hine nga ginkuha ugsa mag-landing an eroplano in ginmalatumat hine nga ada hiya ha talwas nga panlawas ngan dire mabaraka parti ha iya.
Samtang, pira naman nga mga taga-suporta han anay Presidente, tikang ha magkaduru-dilain nga syudad han Netherlands, ngan iba nga nasud, an naghulat hine ha may atubangan mismo han International Criminal Court.
Gin aresto hi Duterte dida han Martes han gab-i, Marso 11, ha kapas han arrest warrant nga ginpalusad han International Criminal Court kasumpay han pamatay nga nahitabo durante han iya admininistrasyon—war on drugs.
