TACLOBAN CITY – Arestado an usa nga anay Overseas Filipino Worker (OFW) ha gindumara nga buy bust operation ha Brgy. 36-A ImeldaVillage, syudad han Tacloban.
Ginkilala an mao nga suspek nga hi Renante Toreros, 37 anyos an pangidaron, dati nga OFW, ngan residente han Brgy. Cogon, Palo Leyte.
Nakuha ha suspek an usa kasachet hin gintutuuhan nga shabu ngan market money nga P500.
Mahuman an gindumara nga imbestigasyon, in boluntaryo naman nga gin-amin han suspek nga mayda pa hiya 14 kasachet hin gintutuuhan nga shabu ha usa rented room hini.
Dayon naman nga nagresponde an mga kapulisan nga nakumpiskar an 14 sachet hin shabu nga may market value nga P240,000.
Ha pagkayana in ada na ha kustodiya han mga otoridad an mao nga suspek ngan naatubang na ha kaangayan nga kaso.
